ఇంత చల్లని రేయి / అంచెలంచెలు లేని... ~ పాటతో నేను

బుధవారం, సెప్టెంబర్ 13, 2017

ఇంత చల్లని రేయి / అంచెలంచెలు లేని...

బుధవారం, సెప్టెంబర్ 13, 2017 వేణూశ్రీకాంత్ 2 వ్యాఖ్యలు

జన్మాష్టమి సంధర్బంగా మిత్రులందరకూ శుభాకాంక్షలు తెలుపుతూ ఈ కన్నయ్య పాటను తలచుకుందామా. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : కృష్ణలీలలు (1956)

సంగీతం : సుసర్ల దక్షిణామూర్తి

సాహిత్యం : ఆరుద్ర

గానం : జిక్కి

అందాల గని ఈ బృందావని

లావణ్య రమణి మా యమునా నది

ఎలుగెత్తి పిలిచాయి లేలేమ్మని

ఇంత చల్లని రేయి ఇంత చక్కని హాయి

అంతయు తిలకించి సంతసించవే

అని యమున పిలిచింది రారమ్మని

ఇంత చల్లని రేయి ఇంత చక్కని హాయి

కెరటాల నురుగులో చిరుగాలి పరుగులో

జలతారు వెన్నెలే జలదరించించి

పూల పొదరిళ్ళ లో గాలి కౌగిళ్ళలో

జాలమయి నీలమయి గగురు పొడిచింది

ఇంత చల్లని రేయి ఇంత చక్కని హాయి

సడిలేని నది రేయి జగమంత నిదురించే

శరదిందు కిరణాలు చలిచలిగ ప్రసరించే

ఇసుక తిన్నెల మీద పసిడి వెన్నెల లోన

రసరాజ రమణి రాసక్రీడకు పిలిచే

ఇంత చల్లని రేయి ఇంత చక్కని హాయి

~*~*~*~*~*~*~*~*~*~*~*~*~*~*~*~*~*~*~

ఇక ఈ రోజు హాస్య గీతంగా శ్రీకృష్ణార్జున యుద్దం చిత్రంలోని ఒక సరదా పాటను తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : శ్రీ కృష్ణార్జున యుద్ధం (1963)
సంగీతం : పెండ్యాల
సాహిత్యం : పింగళి
గానం : బి.గోపాలం, స్వర్ణలత

సోహం.. సోహం.. సోహం.. సోహం..

అంచెలంచెలు లేని మోక్షము చాల కష్టమే భామినీ
కష్టమైనను ఇష్టమేనని కోరి నిలిచితి చినమునీ

అయిన కుదురుగ ఎదుట కూర్చుని గాలి గట్టిగా పీల్చుమా
స్వామీ స్వామీ... ఏమీ ఏమీ
నేను పీల్చిన గాలి నిలువక అకటా మీపై విసిరెనేఅకట మీపై విసిరినే అందుకే మరి...

అంచెలంచెలు లేని మోక్షము చాల కష్టమే భామినీ
కష్టమైనను ఇష్టమేనని కోరి నిలిచితి చినమునీ

కనులు మూసుకు చూపును ముక్కుకొనపై నిలుపుమా
స్వామీ స్వామీ...ఈ మారేమీ
అచట నిలువక చుపులన్నీ అయ్యో మీపై దూకెనేఅయ్యో మీపై దూకెనే అదే మరి...

అంచెలంచెలు లేని మోక్షము చాల కష్టమే భామినీ
కష్టమైనను ఇష్టమేనని కోరి నిలిచితి చినమునీ