అందాలలో అహో మహోదయం..

ఇళయరాజా స్వరపరచిన ఒక అందమైన మెలోడీనీ ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : జగదేకవీరుడు అతిలోకసుందరి (1990)

సంగీతం : ఇళయరాజా

సాహిత్యం : వేటూరి

గానం : బాలు, జానకి

లా లా ల ల ల లా

లా లా ల ల ల లా

అందాలలో అహో మహోదయం

భూలోకమే నవోదయం

పువ్వూ నవ్వూ పులకించే గాలిలో

నింగీ నేలా చుంబించే లాలిలో

తారల్లారా రారే విహారమే 

అందాలలో అహో మహోదయం

నా చూపుకే శుభోదయం

లతా లతా సరాగమాడే సుహాసిని సుమాలతో

వయస్సుతో వసంతమాడీ వరించెలే సరాలతో

మిలా మిలా హిమాలే జలా జలా ముత్యాలుగా

తళా తళా గళాన తటిల్లతా హారాలుగా

చేతులు తాకిన కొండలకే చలనము వచ్చెనులే

ముందుకు సాగిన ముచ్చటలో మువ్వలు పలికెనులే

ఒక స్వర్గం తలవంచి ఇల చేరే క్షణాలలో

అందాలలో అహో మహోదయం

నా చూపుకే శుభోదయం

సరస్సులో శరత్తు కోసం తపస్సులే ఫలించగా

సువర్ణిక సుగంధమేదో మనస్సునే హరించగా

మరాళినై ఇలాగే మరీ మరీ నటించనా

విహారినై ఇవాళే దివి భువి స్పృశించనా

గ్రహములు పాడిన పల్లవికే జాబిలి ఊగెనులే

కొమ్మలు తాకిన ఆమనికే కోయిల పుట్టెనులే

ఒక సౌఖ్యం తనువంతా చెలరేగే క్షణాలలో

అందాలలో అహో మహోదయం

భూలోకమే నవోదయం

నీలాకాశం దిగివచ్చే లోయలో

ఊహాలోకం ఎదురొచ్చే హాయిలో

నాలో సాగే ఏదో సరాగమే 

అందాలలో అహో మహోదయం

భూలోకమే నవోదయం

Posted in: ఇళయరాజా,జానకి,బాలు,వేటూరి