కన్నులతో పలకరించు... ~ పాటతో నేను

శనివారం, నవంబర్ 07, 2015

కన్నులతో పలకరించు...

శనివారం, నవంబర్ 07, 2015 వేణూశ్రీకాంత్ 2 వ్యాఖ్యలు

పెళ్ళి కానుక చిత్రంలోని ఓ చక్కని పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : పెళ్ళి కానుక (1960)

సంగీతం : ఏ.ఎం.రాజా

సాహిత్యం : ఆరుద్ర

గానం : ఏ.ఎం.రాజా, సుశీల

కన్నులతో పలకరించు వలపులు
ఎన్నటికి మరువరాని తలపులు
కన్నులతో పలకరించు వలపులు
ఎన్నటికి మరువరాని తలపులు
రెండు ఏకమై ఓహో.. ప్రేమే లోకమై ఆహా..
నామది పాడే పరాధీనమై అలాగా!!

కన్నులతో పలకరించు వలపులు
ఎన్నటికి మరువరాని తలపులు

చల్లని వేళ మల్లెల నీడ
చక్కని దొంగ దాగెనట
చల్లని వేళ మల్లెల నీడ
చక్కని దొంగ దాగెనట
దారులకాచి సమయము చూచి
దాచిన ప్రేమ దోచెనట
మరలా వచ్చెను మనసే ఇచ్చెను
మరలా వచ్చెను మనసే ఇచ్చెను
అతనే నీవైతే ఆమే నేనట నిజంగా!!

కన్నులతో పలకరించు వలపులు
ఎన్నటికి మరువరాని తలపులు

నల్లని మేఘం మెల్లగ రాగ
నాట్యము నెమలి చేసినది
నల్లని మేఘం మెల్లగ రాగ
నాట్యము నెమలి చేసినది
వలచినవాడు సరసకురాగ
ఎంతో సిగ్గు వేసినది
తనివితీరా తనలో తానే
తనివితీరా తనలో తానే మనసే
మురిసింది పరవశమొందగా ఓ ఐ సీ!!

కన్నులతో పలకరించు వలపులు
ఎన్నటికి మరువరాని తలపులు

రెండు ఏకమై ప్రేమే లోకమై
నామది పాడే పరాధీనమై

కన్నులతో పలకరించు వలపులు
ఎన్నటికి మరువరాని తలపులు