ఉదయకిరణ రేఖలో..

చక్రవర్తి గారి స్వరకల్పనలో శ్రీవారి ముచ్చట్లు చిత్రంలో వచ్చిన ఓ అందమైన పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : శ్రీవారి ముచ్చట్లు (1981)
సంగీతం : చక్రవర్తి
సాహిత్యం : దాసరి
గానం : బాలు, జానకి

ఉదయకిరణ రేఖలో... హృదయ వీణ తీగలో
ఉదయకిరణ రేఖలో... హృదయ వీణ తీగలో
పాడిందీ... ఒక రాధిక... పలికిందీ.. రాగ మాలిక
ఇదే.. ఇదే.. ఇదే... నా అభినందన గీతికా

ఉదయకిరణ రేఖలో... హృదయ వీణ తీగలో

కాశ్మీర అందాలు బాలభారతి నుదుట తిలకాలు దిద్దగా
పురివిప్పు నాట్యాలు నాట్యభారతి పాదాల పారాణి అద్దగా

కాశ్మీర అందాలు బాలభారతి నుదుట తిలకాలు దిద్దగా
పురివిప్పు నాట్యాలు నాట్యభారతి పాదాల పారాణి అద్దగా 

అడుగుల అడుగిడి స్వరమున ముడివడి
అడుగే పైబడి మనసే తడబడి
మయూరివై కదలాడగా... వయ్యారివై నడయాడగా
ఇదే...  ఇదే...  ఇదే...  నా అభినందన గీతికా

ఉదయకిరణ రేఖలో... హృదయ వీణ తీగలో

పయనించు మేఘాలు నిదురించు సృష్టినే మేలుకొలుపగా
రవళించు మువ్వలు నటరాజు ఆశీస్సుకై హారతివ్వగా

పయనించు మేఘాలు నిదురించు సృష్టినే మేలుకొలుపగా
రవళించు మువ్వలు నటరాజు ఆశీస్సుకై హారతివ్వగా

స్వరమున స్వరమై పదమున పదమై
పదమే స్వరమై స్వరమే వరమై
దేవతవై అగుపించగా... జీవితమే అర్పించగా
ఇదే... ఇదే... ఇదే... నా అభినందన గీతికా

ఉదయకిరణ రేఖలో... హృదయ వీణ తీగలో
ఉదయకిరణ రేఖలో... హృదయ వీణ తీగలో
పాడిందీ... ఒక రాధిక... పలికిందీ.. రాగ మాలిక
ఇదే.. ఇదే.. ఇదే... నా అభినందన గీతికా

ఉదయకిరణ రేఖలో... హృదయ వీణ తీగలో

Posted in: 70's-90's పాటలు,చక్రవర్తి,జానకి,దాసరి,బాలు