రాగాలు మేళవింప... ~ పాటతో నేను

ఆదివారం, నవంబర్ 09, 2014

రాగాలు మేళవింప...

ఆదివారం, నవంబర్ 09, 2014 వేణూశ్రీకాంత్ 2 వ్యాఖ్యలు

ఆయా రాగాల మహిమో లేక సంగీత సాహిత్యాల మహిమో లేక గాయనీ గాయకుల ప్రతిభో తెలియదు కానీ కొన్ని పాటలు వింటే హాయైన అనుభూతినిస్తుంది ఎంతటి అలసిన మనసునైనా సేద తీరుస్తాయి. అలాంటి పాటే పాండవ వనవాసం చిత్రంలోని ఈ "రాగాలు మేళవింప", మీరూ మరోసారి విని ఆనందించండి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.

చిత్రం : పాండవ వనవాసం (1965)
సంగీతం : ఘంటసాల
సాహిత్యం : సముద్రాల (సీనియర్)
గానం : ఘంటసాల, సుశీల

శశీ..కూ..శశీ..కూ..
ఓ...ఓ..ఓ..

రాగాలు మేళవింప..ఆహ!
హృదయాలు పరవశింప..ఓహొ!
ఆడేము మధుర సీమ
తనిసేము అమరప్రేమ

రాగాలు మేళవింప..ఆహ!
హృదయాలు పరవశింప..ఓహొ!
ఆడేము మధుర సీమ
తనిసేము అమరప్రేమ

మురిపించు మల్లె తరమౌచు
నీదు ఉరమందు విరిసి పోయేనా
మురిపించు మల్లె తరమంచు
నీదు ఉరమందు విరిసి పోయేనా
విరితేనెలాను మధుపమ్మువోలె
నీ మేను మరచిపోయేనా

రాగాలు మేళవింప..
హృదయాలు పరవశింప..
ఆడేము మధుర సీమ
తనిసేము అమరప్రేమ

ఆనందమొలుక నా డెందమందు
నిను దాచుకొందునో ఓ బాల

ఆనందమొలుక నా డెందమందు
నిను దాచుకొందునో ఓ బాల

నా కన్నుదొయి నీ రూపె నిలిపి
పూజించు కొందు బావ

రాగాలు మేళవింప..
హృదయాలు పరవశింప..
ఆడేము మధుర సీమ
తనిసేము అమరప్రేమ

రాగాలు మేళవింప
హృదయాలు పరవశింప
ఆహ..ఆహా...ఆ..